მოსავალი: 2023.
ფერი: ინტენსიური შეფერილობის ალუბლისფერი.
არომატი: დახვეწილი და კარგად განვითარებული ბუკეტი აქვს. პირველ სურნელებში ქისის ჯიშური არომატი დომინირებს, ატმისა და ჭერმის რბილი, ნაზი ტონები მოყვება.
გემო: სრული, განვითარებული, ტანინებით მდიდარი ღვინოა. მჟავიანობა და ალკოჰოლი კარგად არის დაბალანსებული. ხასიათდება ხანგრძლივი, საინტერესო დაბოლოებით.
რეკომენდაცია: კარგად ეხამება დავარგებულ ყველებს, ხორცეულსა და ქართულ ტრადიციულ ცომეულს.

მოსავალი: 2022.
ფერი: ღრმა, ელვარე წითელი.
არომატი: კომპლექსური, რთული და მდიდარი ბუკეტი აქვს. მკვეთრად გამოხატული ჯიშური არომატის შემდეგ ძალიან სასიამოვნოდ იგრძნობა, ალუბლის, ბროწეულის, მაყვლის ტონები. შემდეგ ვითარდება მუხაში დავარგებისთვის დამახასიათებელი შავი პილპილის, მწარე შოკოლადის და თამბაქოს ნაზი არომატები.
გემო: დაგემოვნებისას ხავერდოვანი, მრგვალი; საშუალოზე მაღალი მჟავიანობის მქონე, მწიფე ტანინებით გაჯერებული და დაბალანსებული.
რეკომენდაცია: შესანიშნავია ლორთან, მწვადთან, მოხარშულ საქონლის ხორცთან და ყველთან.

ფერი: ღრმა, ელვარე ალუბლისფერი
არომატი: თავდაპირველად იგრძნობა საფერავისთვის დამახასიათებელი ინტენსიური სურნელი, რომელიც დროთა განმავლობაში ვითარდება და იძენს წითელი ხილისა და ტყის კენკრის მდიდარ არომატებს. შინდის, ალუბლის, შავი ქლიავისა და მოცვის ტონებს ენაცვლება სანელებლების დელიკატური სურნელის შრეები, რაც საერთო კომპოზიციას დამატებით სიღრმეს სძენს.
გემო: მნიშვნელოვნად სტრუქტურირებული, მრგვალი და ელეგანტური ღვინოა. ძლიერი ტანინები, ალკოჰოლი და მჟავიანობა კარგად ბალანსდება, რაც მთლიანობაში ქმნის მდიდარ და ხავერდოვან ტექსტურას. არომატული სპექტრი კიდევ უფრო მკაფიოდ იშლება და ვითარდება ხანგრძლივ, მდიდარ დაბოლოებაში.
რეკომენდაცია: უხდება ქართულ ტრადიციულ კერძებს, განსაკუთრებით ხორცისა და ყველის ცხარე, შებოლილ ან დავარგებულ ვარიაციებს.

მოსავალი: 2020.
ფერი: მუქი ალუბლისფერი.
არომატი: თავდაპირველად იშლება შავი ქლიავის ჩირისა და ველური მწიფე კენკრის კომპოზიცია, რასაც მალევე მალე მოსდევს მწიფე ალუბლისა და ხურტკმელის ელეგანტური არომატი.
გემო: მთლიანად დაბალანსებული, ძლიერი სხეულის მქონე ღვინოა. მწიფე, მომრგვალებული ტანინები და რბილი მჟავიანობა იდეალურად ეხმიანება ქვევრის სტილს.
რეკომენდაცია: საუკეთესოდ ერწყმის ოდნავ შებოლილ ხორცეულს – მაგალითად, თხილის სოუსში მომზადებულ საქონლის სტეიკს ან ღია ცეცხლზე მომზადებულ ცხვრის ჩაშუშულს.

ფერი: მუქი მაყვლისფერი
არომატი: მყისიერად შეიგრძნობა ტერუარის უნიკალური ხასიათი. წამყვანია მწიფე წითელი კენკრის ძლიერი სურნელი, რომელსაც ფონად გასდევს შავი ქლიავის ჩირის, შინდის მურაბისა და ალუბლის ტყლაპის დახვეწილი არომატული შტრიხები.    
გემო: საშუალო სხეული, რბილი ტანინები და ხავერდოვანი ტექსტურა ქმნის სრულად დაბალანსებულ ღვინოს. გამოირჩევა ცოცხალი მჟავიანობისა და ბუნებრივი ნარჩენი სიტკბოს შთამბეჭდავი თანხვედრით. დაბოლოება ხანგრძლივი, სავსე და არომატულია.
რეკომენდაცია: უხდება მწვადს, საშუალოდ შემწვარ სტეიკსა და ტკბილ–მლაშე გემოს კომბინაციებს.

მოსავალი: 2024.
ფერი: მუქი ლალისფერი.
არომატი: წარმოუდგენლად მდიდარი ბუკეტი აქვს. გამოხატულ ჯიშურ არომატებს თან ახლავს მწიფე წითელი კენკრის სურნელები. მკვეთრად არის გამოხატული ჟოლო, მაყვალი, მწიფე კოწახური.
გემო: ღვინო ხასიათდება ცინცხალი, მსუსხავი სიხალისით და დახვეწილი სიტკბო-სიმჟავის ბალანსით.
რეკომენდაცია: საშუალოდ შემწვარ საქონლის სტეიკებს, მწვადსა და ხორციან სალათებს.

მოსავალი: 2019.
ფერი:  ღია ქარვისფერია, ოქროსფერი შეფერილობით.
არომატი: ძლიერად არის წარმოჩენილი რქაწითელის ჯიშურობა. მეტად ეფექტური ხმელი ბალახებისა და ყვავილების კომპლექსური ბუკეტის ფონზე საინტერესოდ იკითხება მუხისა და სანელებლების ნაზი სურნელები.
გემო: ღვინო საკმაოდ ნაზი და ხავერდოვანია, გაჯერებულია რბილი, მწიფე ტანინებით; საშუალოზე მაღალმჟავიანია, დაბალანსებული ალკოჰოლითა და ხანგრძლივი დაბოლოებით.
რეკომენდაცია: უხდება ქართული ტრადიციული სამზარეულოს მსუყე ყველიან და ხორციან კერძებს.

ფერი: საშუალოზე მუქი ქარვისფერი
არომატი: დახვეწილი და კარგად განვითარებული ბუკეტი აქვს. პირველ სურნელებში ქისის ჯიშური არომატი დომინირებს, ატმისა და ჭერმის რბილი, ნაზი ტონები მოყვება.
გემო: სრული, განვითარებული, ტანინებით მდიდარი ღვინოა. მჟავიანობა და ალკოჰოლი კარგად არის დაბალანსებული. ხასიათდება ხანგრძლივი, საინტერესო დაბოლოებით.
რეკომენდაცია: კარგად ეხამება დავარგებულ ყველებს, ხორცეულსა და ქართულ ტრადიციულ ცომეულს.

მოსავალი: 2018.
ფერი: მუქი, ელვარე ოქროსფერი.
არომატი: ეფექტური და მრავალფეროვანი ბუკეტი აქვს. საინტერესოდ ვითარდება თეთრი გამომშრალი ხილის ტონები. ვაშლის, კომშის, ნესვის ჩირისა და სხვადასხვა სანელებლების მკვეთრ სურნელებს, მოსდევს მუხის ნაზი არომატები.
გემო: სხეულიანი, მაღალექსტრაქტული ღვინოა. რქაწითელისთვის დამახასიათებელი ძლიერი ტანინები და ცოცხალი, ხალასი მჟავიანობა ღვინოს ჰარმონიულობასა და სიმრგვალეს ანიჭებს. გამოირჩევა გამყოლი, დასამახსოვრებელი გემოთი.
რეკომენდაცია: ძალიან უხდება კარგად შემწვარ ხორცს, შემწვარ ბოსტნეულს, ყველს, შედარებით მსუყე თევზეულის კერძებს.

მოსავალი: 2019.
ფერი: ინტენსიური შეფერილობის, ელვარე ქარვისფერი.                     
არომატი: მრავალფეროვანი და მდიდარი ბუკეტი აქვს. თავიდან, მკაფიოდ გამოხატული ქისის ჯიშური არომატი ყველაფერს ფარავს. შემდეგ თანდათან იხსნება და კარგად იკვეთება მცენარეული, ახალი თივის, გამომშრალი თეთრი ხილის ტონები. უკანა პლანზე ასევე ჩნდება შემწვარი კომშისა და ვაშლის, სანელებლებისა და მოხალვის სურნელები.
გემო: ძალიან ექსტრაქტული, სრული, მრგვალი, განვითარებული ღვინოა. კარგად არის დაბალანსებული მჟავიანობა და ალკოჰოლი. მდიდარია მწიფე, რბილი ტანინებითა და მთრიმლავი ნივთიერებებით. დაბოლოებაში ხავერდოვანია, გამყოლი საინტერესო გემოთი.
რეკომენდაცია: კარგად ეხამება დავარგებულ ყველს, კარგად შემწვარ ხორცს, მწვადს, კუბდარს, ხაჭაპურს.

ფერი: ღია ჩალისფერი, ოდნავ მომწვანო ელფერით.
არომატი: ხასიათდება ძალიან მდიდარი და მრავალფეროვანი ბუკეტით; ნაზი, დახვეწილი, პარფიუმისკენ მიდრეკილი გაზაფხულის ყვავილებისა და ციტრუსის სურნელებით.
გემო: ხალასი, დახვეწილი, ცოცხალი ღვინოა, საკმაოდ მაღალმჟავიანი. მდიდარია ახალი თეთრი ხილისა და ციტრუსოვანი ტონებით.
რეკომენდაცია: ძალიან უხდება მწვანე სალათებსა და ზღვის პროდუქტებს.

მოსავალი: 2022.
ფერი: მუქი ჩალისფერი
არომატი: კარგად გამოხატული ჯიშური არომატი აქვს. იგრძნობა მცენარეული და გამომშრალი თეთრი ხილის ტონები.
გემო: სხეულიანი, ტანინებით სავსე ღვინოა. შედარებით მაღალი მჟავიანობის გამო, ღვინო საკმაოდ ცოცხალია.
რეკომენდაცია: უხდება მძაფრ ყველებს და ქართული ტრადიციული სამზარეულოს ხორციან კერძებს.

მოსავალი: 2022.
ფერი: ღია ჩალისფერი.
არომატი: თეთრი ხილი, ციტრუსი, ყვავილები, თაფლი.
გემო: მსუბუქი, ცოცხალი, მდიდარი ღვინოა. გამოირჩევა ხალასი მჟავიანობითა და საინტერესოდ გრძელი, გამყოლი დაბოლოებით.
რეკომენდაცია: უხდება თეთრ ხორცს, სალათებს, შემწვარ ბოსტნეულს, ყველს, თევზეულს.

მოსავალი: 2022.
ფერი: ჩალისფერი, მკრთალი ლიმნისფერი შეფერილობით.
არომატი: მდიდარი და ცოცხალი სურნელით გამოირჩევა. მწიფე თეთრი ხილის მრავალფეროვან ბუკეტში, საინტერესოდ კრთება მინდვრის ყვავილების ნაზი არომატი.
გემო: გლუვი, საშუალო ნაკლებიი სხეულიანობის მქონე ღვინოა. იგრძნობა გულაბი მსხლის, ატმისა და თეთრი ქლიავის ტონები. ხალასი მჟავიანობა, ბუნებრივი სიტკბო და მსუბუქი ალკოჰოლი ღვინოს ძალიან ჰარმონიულს ხდის და სასიამოვნო ხავერდოვნებას ანიჭებს.
რეკომენდაცია: რაც შეეხება კერძებს, კარგად ეხამება ყველა სახის ცოცხალ სალათებს, თევზეულს, მრავალი სახეობის ყველსა და მშრალ ნამცხვრებს.